UEFA sayti xabariga ko‘ra, Belgiya, Niderlandiya, Angliya va Fransiya terma jamoalari futbol bo‘yicha Yevropa chempionati vaqtida ijtimoiy tarmoqlarda boshqalarga qaraganda ko‘proq haqorat nishoniga aylangan.

Bunda Facebook, Instagram ijtimoiy tarmoqlaridagi maxsus monitoring dasturi orqali kuzatuv olib borildi. 

Guruh bosqichida 20 tildagi 9142 ta post ko‘rib chiqish uchun belgilandi. Ijtimoiy tarmoqlardagi haqoratomuz xabarlarning 91 foiziga nisbatan chora ko‘rilgan.

Haqoratlarning aksariyati (72,5 foizi) futbolchilarga, yana 15,5 foizi esa murabbiylarga qaratilgan. Aniqlangan xabarlarning 5 foizi irqchilik, yana 2,5 foizi gomofobik ko‘rinishda edi.

Angliya va Ispaniya o‘rtasidagi Yevro finalida 427 ta hujumkor ruhdagi post aniqlandi, salbiy xabarlarning aksariyati inglizlarga to‘g‘ri keladi.