"Брайтон" ярим ҳимоячиси Паскал Гросснинг Дортмунднинг "Боруссия" клубига ўтиши яқин. Бу ҳақда Ruhr Nachrichten нашри хабар бермоқда.
"Албатта, биз уни сақлаб қолишни хоҳлаймиз. Аммо биз Гросс фаолиятида қаерда эканлиги ва Дортмунд унга таклиф қилиши мумкин бўлган имкониятлар ҳақида ҳам ўйлаймиз", - деди "Брайтон" бош директори Поль Барбер.
Гросс 32 ёшда. У 2017 йилдан бери "Брайтон"да ўйнаб келмоқда. Амалдаги шартнома ўйинчини Англияда бўлажак футбол мавсуми охиригача "чайкалар" билан боғлайди. Охирги Евро-2024 давомида Паскал Германия терма жамоасига киритилган эди.
