"ПСЖ" ва Италия терма жамоаси дарвозабони Жанлуижи Доннарумма "Манчестер Сити"нинг қизиқиш доирасига кирмайди, дея хабар берди ижтимоий тармоқларда нуфузли футбол инсайдери Фабрицио Романо.
Аввалроқ, "шаҳарликлар" 25 ёшли дарвозабон билан музокаралар олиб бораётгани хабар қилинганди.
Доннаромма 2021 йилдан бери "ПСЖ" сафида ўйнамоқда. 25 ёшли италиялик футболчи пойтахт клуби сафида 114 та ўйин ўтказган. Унинг шартномаси 2026 йилнинг ёзида тугайди. Transfermarkt портали футболчининг баҳосини 40 миллион еврога баҳоламоқда.