Феде Вальверде 22 июль куни 26 ёшга тўлди. Футболчи Мадриддаги машаққатли мавсумдан сўнг дам олишда давом этар экан, клуб унинг яқин келажакда Вальдебасда пайдо бўлишини кутмоқда.
Тони Крооснинг кетиши Федега нафақат янги 8-рақам, балки янги масъулият ҳам юкланишини билдиради. Уругвайлик ўзининг кумири Кроос фаолиятини Мадриднинг ярим ҳимоясида муваффақиятли давом эттиришига ҳеч ким шубҳа қилмайди.
Ўтган мавсумда Вальверде Карло Анчелотти учун энг кўп фойдаланилган футболчига айланди, у "Реал Мадрид"нинг 55 ўйинидан 54 тасида майдонга тушди ва Ла Лига чемпионлиги аллақачон олдиндан белгилаб қўйилган "Гранада" билан учрашувни ўтказиб юборди.
Феде 4279 дақиқа ўйин вақтига эга, бу жамоанинг иккинчи энг кўп ишлатиладиган ўйинчиси бўлган Рюдигердан 200 дақиқа кўп. Феденинг жисмоний имкониятлари ва турли позицияларга мослаша олиши уни "Реал Мадрид" учун ажралмас футболчига айлантирди.
Вальверде клубдаги еттинчи мавсумини бошлашга тайёрланмоқда ва бу мавсум муваффақиятли бўлишига шубҳа йўқ.
