"Ливерпуль" марказий ҳимоячиси Виржил ван Дейк клуб раҳбариятини келажакдаги режалари ҳақида маълум қилди. Журналист Грем Бейлининг хабарига кўра, тажрибали футболчи мерсисайдликлар билан янги шартнома имзоламоқчи.

33 ёшли ван Дейкнинг амалдаги шартномаси бир йилдан кейин тугайди. Олдинроқ "Ливерпуль" раҳбарияти нидерландиялик футболчини сотиш ҳақида ўйлаётгани, бироқ футболчининг ўзи "Энфилд"да қолиб, янги мураббий Арне Слот бошчилигида ўйнашни исташи ҳақида хабар берилганди.

Ван Дейк 2018 йилнинг январидан буён "Ливерпул"да тўп тепмоқда ва шу вақт ичида у клуб билан барча мумкин бўлган совринларни қўлга киритишга муваффақ бўлди.