Дортмунднинг "Боруссия" жамоаси таркибига Англия Премьер-лигаси клубининг 22 ёшли ҳимоячиси қўшилади.

Daily Mail нашри хабарига кўра, ҳуқуқлари "Манчестер Сити"га тегишли бўлган Ян Коуто "Боруссия"га тахминан 30 миллион евро эвазига сотилади. Ўтган мавсумда ҳимоячи "Жирона"да ижара асосида ўйнаган ва 38та ўйинда иштирок этган, икки бор рақиблар дарвозасига зарба берган ва жамоадошларига 10та голли узатмани амалга оширган.

"Манчестер Сити" футболчини тўрт йил аввал "Куритиба"дан олти миллион еврога сотиб олганди, ҳозир футболчининг нархи 25 миллион еврога баҳоланмоқда.