"Рома" ярим ҳимоячиси Леандро Паредес "Бока Хуниорс"га қайтмоқчи. Футболчи ватандоши Пауло Дибалани Аргентина топ-клубига ўтишга кўндирмоқчи.
"Бокага қайтиб, Паулони ўзим билан олиб кетмоқчиман. Агар у бу жинниликка рози бўлса яхши бўлади", - деди Паредес Calciomercato билан суҳбатда.
Эслатиб ўтамиз, Дибала ва Паредес "Рома"да бирга ўйнашади. Аргентиналикларнинг Италия клуби билан шартномаси келаси йилнинг ёзида якунига етади. Ўтган мавсумда Леандро А Серияда 34 та ўйин ўтказиб, 3 та гол урди ва 5 та голли узатмани амалга оширди. Дибаланинг ҳисобида 28 та ўйинда 13 та гол ва 9 та голли узатма бор.
