Париж Олимпиадасида нейтрал мақомда иштирок этадиган барча россиялик ва беларуслик спортчилар допинг-тестдан ўтишди, деди Халқаро допинг-тестлар агентлиги раҳбари Валерий Фурнейрон.
Нейтрал спортчиларнинг 97 фоизи бир неча марта синовдан ўтган. Ташкилот раҳбари Валерий Фурнейрон Халқаро олимпия қўмитасининг (ХОҚ) 142-сессиясида сўзлаган нутқида Олимпиадага тайёргарлик жараёнида барча нейтрал спортчилар допинг-тестдан ўтганини айтди.
Қайд этилишича, Париждаги ўйинларда иштирок этувчи 25 та энг йирик давлатнинг ҳар бирида тестдан ўтмаган камида битта спортчи бор.
Ушбу кўрсаткич бўйича Янги Зеландия (спортчиларнинг 24 фоизи допинг-тестдан ўта олмаган), Австралия ва Бразилия (18 фоиз), Дания (14 фоиз), Польша (11 фоиз), Буюк Британия ва Украина вакиллари (ҳар бири 10%) етакчилик қилмоқда.
Март ойида Бутунжаҳон антидопинг агентлиги (WАDА) 2024 йилги Олимпиада олдидан россиялик спортчиларни қўшимча текширувдан ўтказиш учун махсус комиссия тузмаслигини маълум қилганди.
Агентлик буни бу сафар россияликлар допинг билан боғлиқ бўлмаган сабабларга кўра ўйинларда нейтрал мақомда иштирок этиши билан изоҳлади.
