Parij Olimpiadasida neytral maqomda ishtirok etadigan barcha rossiyalik va belaruslik sportchilar doping-testdan o‘tishdi, dedi Xalqaro doping-testlar agentligi rahbari Valeriy Furneyron.
Neytral sportchilarning 97 foizi bir necha marta sinovdan o‘tgan. Tashkilot rahbari Valeriy Furneyron Xalqaro olimpiya qo‘mitasining (XOQ) 142-sessiyasida so‘zlagan nutqida Olimpiadaga tayyorgarlik jarayonida barcha neytral sportchilar doping-testdan o‘tganini aytdi.
Qayd etilishicha, Parijdagi o‘yinlarda ishtirok etuvchi 25 ta eng yirik davlatning har birida testdan o‘tmagan kamida bitta sportchi bor.
Ushbu ko‘rsatkich bo‘yicha Yangi Zelandiya (sportchilarning 24 foizi doping-testdan o‘ta olmagan), Avstraliya va Braziliya (18 foiz), Daniya (14 foiz), Polsha (11 foiz), Buyuk Britaniya va Ukraina vakillari (har biri 10%) yetakchilik qilmoqda.
Mart oyida Butunjahon antidoping agentligi (WADA) 2024 yilgi Olimpiada oldidan rossiyalik sportchilarni qo‘shimcha tekshiruvdan o‘tkazish uchun maxsus komissiya tuzmasligini ma’lum qilgandi.
Agentlik buni bu safar rossiyaliklar doping bilan bog‘liq bo‘lmagan sabablarga ko‘ra o‘yinlarda neytral maqomda ishtirok etishi bilan izohladi.
