Мадриднинг "Реал" клуби дарвозабони Андрей Лунин келажаги ҳақида ҳали бир қарорга келмаган.
Мадрид клуби раҳбарияти бу ҳолатдан норози, чунки украиналик посбон сўнгги ойларда янги шартнома бўйича аниқ жавоб бермаяпти.
Realmadridexclusivo нашри хабарига кўра, "Реал Мадрид" президенти Флорентино Перес Лунинга ультиматум қўйган: зудлик билан клуб билан шартномасини янгилаш ёки клубдан кетиш. Мадрид клуби дарвозабонни 30 миллион еврога сотишга тайёр.
25 ёшли Лунин ўтган мавсумда "Реал" сафида барча мусобақаларда 31 та ўйин ўтказди (шундан 12 таси ўз дарвозаси даҳлсизлигини сақлаб қолди) ва 32 та гол ўтказиб юборди. Украиналик дарвозабоннинг испан клуби билан шартномаси 2025 йилнинг 30 июнига қадар амал қилади.
