Испаниянинг Mundo Deportivo нашри хабар беришича, "Барселона" "Атлетик" ярим ҳимоячиси Нико Уильямс учун товон пулидан 4 миллион евро кўпроқ тўлайди.
Сабаби, форвард шартномасида белгиланган сотиб олиш суммаси сифатида кўрсатилган 58 миллионга Испания қонунчилигига кўра, маҳаллий IPC (Истеъмол нархлари индекси) бўйича фоиз қўшилиши керак. Мажбурий тўлов суммасига қўшимча 4 миллион қўшилиши керак бўлиб, жами 62 миллион еврога етади.
"Барселона" қўшимча харажатларга тайёрлигини таъминлади ва Уильямсга унинг трансферини расмийлаштиришда ҳеч қандай муаммо бўлмаслигини айтди. Клуб директорлар кенгаши спорт директори Декуга вазият назорат остида эканлиги ҳақида маълум қилди.
Аввалроқ "ПСЖ" Уильямс учун каталонияликлардан икки баравар кўп таклиф қилгани хабар қилинганди.
2023/24 йилги мавсумда Уильямс "Атлетик" сафида барча мусобақаларда 37 та ўйин ўтказиб, 8 та гол урди ва 19 та голли узатмани амалга оширди. 22 ёшли футболчининг клуб билан шартномаси 2027 йилнинг ёзига қадар мўлжалланган.
