Польша телерадиокомпанияси Telewizja Polska бошловчи Пшемислав Бабиазни Олимпиада якунига қадар ишдан четлатди. Бу ҳақда Bild компания баёнотига таяниб хабар бермоқда.
Очилиш маросимида норасмий Олимпия мадҳияси ҳисобланган “Imagine” қўшиғи янгради. Қўшиқ матнида дунё жаннатсиз, миллатсиз ва динсиз бўлиши кераклиги ҳақидаги ғоя ифодаланади.
Жонли эфирда Бабиаз кулиб гапирди: “Жаннатсиз, миллатсиз ва динсиз дунё. Бу барча одамларга тегишли бўлиши керак бўлган дунёнинг кўринишидир. Афсуски, бу коммунизмнинг ҳам кўринишидир”.
Икки йил аввал Пекинда (Хитой) Қишки Олимпия ўйинлари очилишида Бабиаз худди шу оҳангда “Imagine” қўшиғини масхара қилган эди.
Ўшанда телекомпания унга огоҳлантириш берган ва энди бошловчини Олимпия ўйинларида ишлашдан бутунлай олиб ташлаш тўғрисида қарор қабул қилди.
