Polsha teleradiokompaniyasi Telewizja Polska boshlovchi Pshemislav Babiazni Olimpiada yakuniga qadar ishdan chetlatdi. Bu haqda Bild kompaniya bayonotiga tayanib xabar bermoqda.
Ochilish marosimida norasmiy Olimpiya madhiyasi hisoblangan “Imagine” qo‘shig‘i yangradi. Qo‘shiq matnida dunyo jannatsiz, millatsiz va dinsiz bo‘lishi kerakligi haqidagi g‘oya ifodalanadi.
Jonli efirda Babiaz kulib gapirdi: “Jannatsiz, millatsiz va dinsiz dunyo. Bu barcha odamlarga tegishli bo‘lishi kerak bo‘lgan dunyoning ko‘rinishidir. Afsuski, bu kommunizmning ham ko‘rinishidir”.
Ikki yil avval Pekinda (Xitoy) Qishki Olimpiya o‘yinlari ochilishida Babiaz xuddi shu ohangda “Imagine” qo‘shig‘ini masxara qilgan edi.
O‘shanda telekompaniya unga ogohlantirish bergan va endi boshlovchini Olimpiya o‘yinlarida ishlashdan butunlay olib tashlash to‘g‘risida qaror qabul qildi.
