Лондоннинг “Арсенал” клуби “Манчестер Юнайтед”ни асосий вақтда мағлуб этди, аммо пенальтилар сериясида мағлуб бўлди.

Эрик тен Хаг шогирдлари 10-дақиқада Расмус Хейлунднинг саъй-ҳаракатлари билан олдинга чиқиб олишди, аммо 26-дақиқада Габриэль Жезуснинг аниқ зарбаси таблода тенгликни ўрнатди. Ўртоқлик учрашувида "канонирлар"нинг ғалабасини Габриэль Мартинеллининг якунда киритган голи келтирди - 2:1.

90-дақиқадан сўнг ғолиб аниқланганига қарамай, жамоалар пенальтилар сериясида куч синашди - бу ерда "қизил иблислар"нинг қўли баланд келди (4:3). Ҳал қилувчи пенальтини яқинда тен Хаг билан ярашган Жэйдон Санчо киритди.