Лондоннинг "Арсенал" клуби "Ювентус"нинг 26 ёшли вингери Федерико Кьезага қизиқиш билдирмоқда. Бу ҳақда TEAMtalk нашри хабар берди.
Манбага кўра, "канонирлар" ёзда "Ювентус"ни тарк этишни ўйлаётган Кьеза ҳақида маълумот сўрашган.
Олдинроқ Sport Mediaset Лондоннинг "Тоттенхэм" клуби Кьеза трансфери учун 30-35 миллион евро тўлашга тайёрлигини хабар қилган эди.
Ўтган мавсумда ҳужумчи барча турнирларда 37 та ўйинда қатнашиб, 10 та гол ва 3 та голли узатмани амалга оширган. Умуман олганда, Кьеза майдонда 2512 дақиқа ўтказди. Футболчининг клуб билан амалдаги меҳнат шартномаси 2025 йилнинг ёзига қадар амал қилади.
