27-июль, шанба куни япониялик дзюдочи Рюзу Нагаяма 60 килограммгача бўлган вазн тоифасида чорак финал жангида испаниялик Франциско Гарригосга имкониятни бой бериб қўйди – 0:10.

Нагаяма мағлубиятини тан олишни истамади ва Гарригос унга яқинлашганда унинг қўлини сиқишдан бош тортди.

Бир неча сониядан сўнг испаниялик ўз жамоаси билан татамини тарк этди, япониялик эса трибунадаги томошабинларга ҳайқирган ҳолда татамида қолди.

Нагаяма ҳам, Гарригос ҳам Париж Олимпиадасида бронза медалларини қўлга киритишди. Япониялик ўтиш раунди орқали учинчи ўрин учун курашда туркиялик Солиҳ Йилдизни 10:0 ҳисобида мағлубиятга учратди. Гарригос ярим финалда мағлуб бўлди ва бронза учун курашда грузиялик Гиорги Сардалашвилидан кучлироқ бўлиб чиқди.