27-iyul, shanba kuni yaponiyalik dzyudochi Ryuzu Nagayama 60 kilogrammgacha bo‘lgan vazn toifasida chorak final jangida ispaniyalik Fransisko Garrigosga imkoniyatni boy berib qo‘ydi – 0:10.

Nagayama mag‘lubiyatini tan olishni istamadi va Garrigos unga yaqinlashganda uning qo‘lini siqishdan bosh tortdi.

Bir necha soniyadan so‘ng ispaniyalik o‘z jamoasi bilan tatamini tark etdi, yaponiyalik esa tribunadagi tomoshabinlarga hayqirgan holda tatamida qoldi.

Nagayama ham, Garrigos ham Parij Olimpiadasida bronza medallarini qo‘lga kiritishdi. Yaponiyalik o‘tish raundi orqali uchinchi o‘rin uchun kurashda turkiyalik Solih Yildizni 10:0 hisobida mag‘lubiyatga uchratdi. Garrigos yarim finalda mag‘lub bo‘ldi va bronza uchun kurashda gruziyalik Giorgi Sardalashvilidan kuchliroq bo‘lib chiqdi.