Мадриднинг “Реал” клуби футболчилари АҚШ бўйлаб турнега жўнаб кетаётгани акс этган видеони эълон қилди.
Ҳозир бўлган футболчилар орасида дарвозабон Андрей Лунин ҳам бор. Сўнгги ҳафталарда матбуотда украиналик посбоннинг бошқа клубга ўтиши мумкинлиги ҳақида кўп ёзилди. Лунин гўёки у биринчи рақамли дарвозабон бўладиган жамоада бўлишни хоҳлайди.
Олдинроқ "Реал Мадрид" турда иштирок этадиган футболчилар рўйхатини тўлиқ кўрсатганди. Уларнинг баъзилари бироздан кейин жамоага қўшилади. Кутилганидек, ҳужумчи Килиан Мбаппе рўйхатда йўқ эди, "Лос-Бланкос"нинг янги юлдузи Франция терма жамоаси сафида Европа чемпионатида ўйнаганидан сўнг дам олишга вақт олди.
