"Манчестер Юнайтед" вингери Жэйдон Санчо "ПСЖ"га ўтишга тайёр.
Француз клуби 24 ёшли футболчи билан принципиал келишувга эришди, бироқ айни дамда бозордаги бошқа номзодларга устунлик бермоқда, деб хабар беради Sports Zone. "Манчестер Юнайтед" англиялик футболчини 60 миллион еврога сотишга тайёр.
"ПСЖ"нинг қизиқишлари рўйхатидан Хвича Кварацхелия ("Наполи"), Рафаэль Леау ("Милан") ва Дезире Дуэ ("Ренн") ҳам бор.
Жэйдон Санчо Дортмунднинг "Боруссия"сида олти ойлик ижара муддатидан сўнг "Манчестер Юнайтед"га қайтди. Футболчи "қизил иблислар" бош мураббийи Эрик тен Хаг билан можарони ҳал қилди ва шу сабабли жамоанинг мавсумолди ўйинларида иштирок этади.
