"Реал Мадрид" келаси ёзда иккита машҳур трансферни режалаштирмоқда.
"Лос-Бланкос" ҳимоянинг ҳар икки қанотини кучайтирмоқчи - бу вазифани ҳал қилиш учун Альфонсо Дэвис («Бавария») ва Трент Александр-Арнольд («Ливерпуль») таклиф этилади. Журналист Маттео Мореттонинг хабар беришича, Ла Лига гранди келаси ёзда иккала футболчини ҳам эркин агент сифатида сотиб олмоқчи. Бунинг учун канадалик ва англияликни амалдаги клублари билан муддати тугайдиган шартномаларини узайтирмасликка ишонтириш керак бўлади.
Transfermarkt экспертларининг фикрича, 23 ёшли Дэвиснинг трансфер қиймати 50 миллион еврони ташкил қилади. 25 ёшли Александр-Арнольд 70 миллион еврога баҳоланган.
