Австриянинг "Ред Булл Зальцбург" клуби марказий ҳимоячиси Страхиня Павлович "Милан"га ўтиш арафасида.
"Россонерилар"нинг сербни қўлга киритиш нияти ҳақидаги маълумотлар июль ойи бошида пайдо бўлганди. Энди музокаралар муваффақиятли натижага яқин, дея хабар беради инсайдер Фабрицио Романо. "Зальцбург" Павловични "Милан"га 18 миллион еврога сотишга рози бўлди. 23 ёшли футболчи Италия гранди сафига қўшилишни жуда хоҳлайди - у бир неча кун олдин якуний розилигини берганди.
Страхиня Павлович икки йил давомида Австрияда фаолият юритди. Илгари у "Монако" шарафини ҳимоя қилган.
