Италиянинг “Наполи” клуби ўз сафига Лондоннинг “Челси” жамоаси билан 2021 йилда Чемпионлар лигасида ғолиб чиққан ярим ҳимоячини қўшиб олмоқчи. Гап ҳозирда "Брайтон"да ўйнаётган Билли Гилмор ҳақида кетмоқда.
Журналист Николо Скиранинг хабарига кўра, итальян клуби шотландиялик футболчига 2029 йилгача мўлжалланган шартнома таклиф қилган. Шу билан бирга, "Наполи" товон миқдорини тезда келишиб олиш ва шартномани ёпиш мақсадида "Брайтон" билан музокараларни давом эттирмоқда.
Гилмор "Брайтон"да 2022 йилнинг ёзидан "Челси"дан келиб қўшилганидан бери ўйнаб келмоқда. Англия Премьер-лигасининг сўнгги мавсумида ярим ҳимоячи 30 ўйинда майдонга тушиб, битта голли узатмани амалга оширган.
