Халқаро дзюдо федерацияси (IJF) жазоирлик дзюдочи Дрис Мессауднинг 2024-йилги Олимпия ўйинларидан дисквалификация қилиниши ортидан текширув ўтказади.

"IJF ҳалол ўйин, олимпия руҳи ва дискриминацияга йўл қўймаслик тамойилларига қатъий содиқдир. Биз спорт халқаро можаролардан холи, яхлит ва адолатли бўлиб қолиши керак, деб ҳисоблаймиз. Афсуски, спортчилар кўпинча спорт қадриятларига зид келадиган кенгроқ сиёсий қарама-қаршиликларнинг қурбони бўлишади.

Биз жаноб Мессауднинг ортиқча вазнини асослаб бера олмаймиз, бироқ биз барча спортчилар тенг ва адолатли мусобақаларда қатнашишини таъминлашга содиқмиз. Олимпиададан сўнг вазият тўлиқ кўриб чиқилади ва ўрганилади, зарурат туғилганда кейинги ҳаракатлар амалга оширилади", — дейилади IJF матбуот хизмати баёнот матнида.