"Милан" Марко Спортьеллонинг жароҳати туфайли янги дарвозабон қидирмоқда.
La Gazette Dello Sport хабарига кўра, 32 ёшли италиялик футболчи жамоанинг мавсумолди сафари вақтида Нью-Йоркдаги меҳмонхоналардан бирида қўлини қаттиқ кесиб олган. Ҳозирда футболчи жарроҳлик амалиётига муҳтож ёки керак эмаслигини аниқлаш учун тестлардан ўтмоқда.
Жароҳат сабаб Спортьелло камида икки ой майдонга тушмаслиги кутилмоқда.
Марко ўрнига "россонерилар" нархи 3 миллион еврога баҳоланган "Кальяри" дарвозабони Симоне Скуффет билан шартнома имзолаши мумкин. Клублар ўртасидаги музокаралар секин кетмоқда.
