Мадриднинг “Атлетико” клуби ҳужумчиси Жоау Феликс фаолиятини “Астон Вилла”да давом эттириши мумкин.
Topskills Sports UK нашри хабарига кўра, "Астон Вилла" 24 ёшли португалиялик футболчи билан шахсий шартнома шартлари бўйича деярли келишувга эришган. Манбага кўра, "Атлетико" Феликсни 40 миллион евродан камига қўйиб юборишга тайёр эмас. Клублар музокараларни давом эттирмоқда, дея хабар бермоқда манба.
Феликс ўтган мавсумни "Барселона"да ижара асосида ўтказди. Каталония клуби таркибида у барча мусобақаларда 44 та ўйинда майдонга тушиб, ўнта гол урди ва олтита голли узатмани амалга оширди.
