Ўзбекистон Ёшлар Биринчилиги 6-тури марказий ўйинида «Пахтакор» ва «Локомотив» клублари ёшлари Қибрайда ўзаро майдонга тушишди. Ушбу ўйин арафасида Тошкент жамоалари мусобақа жадвалида пешқадамлик қилишаётан эди.

Биринчи тайм асосан «Пахтакор» устунлигида ўтди ва 21-дақиқага келиб улар 2:0 ҳисобида олдинга чиқиб олишган эди. Бироқ, ёш «пахтакорчилар» ташаббусни ўз қўлларида сақлаб қола билишмади. Танаффусдан сўнг «темирйўлчилар» жавобсиз учта гол уриб, 3:2 ҳисобида ғалаба қозонишди. «Локомотив» ҳужумчиси Иван Нагаев дублга эришди.

Шундай қилиб, 6-турдан сўнг «Локомотив» 16 очко билан Ёшлар Биринчилиги пешқадамига айланди. 6-тур доирасидаги ўз учрашувини бир кун аввал ўтказган «Бунёдкор» эса «Локомотив»дан бир очко кам жамғарган.

Ёшлар Биринчилиги, 6-тур учрашуви
18 апрель, пайшанба
«Пахтакор» (Тошкент) – «Локомотив» (Тошкент) – 2:3. 101 томошабин.
Ҳакамлар: З. Қодиров (Навои), Ф. Ёрмуҳамедов, А. Пўлатов, В. Нажафалиев.
Назоратчи: А. Абдуллаев (Тошкент).
Голлар: С. Шихов (3), Ж. Соҳибов (21) – И. Нагаев (71, 90), Д. Усмонов (83).
Огоҳлантиришлар: П. Смоляченко (44), К. Рўзиев (иккиси ҳам - «Локомотив», 77).