Германиялик ярим ҳимоячи Паскал Гросс 1 август куни расман Дортмунднинг "Боруссия" клуби футболчисига айланди. "Асаларилар" спорт директори Себастьян Кель тажрибали футболчи билан шартнома имзолагани ҳақида фикр билдирди.
“Биз Паскални Бундеслигага қайтарганимиздан хурсандмиз. Унинг совуққонлиги, ажойиб узатмалари ва позицион ўйини ҳамда серқирралиги жамоамизга янгича кўриниш беради. Паскал майдоннинг кўп соҳаларида голга тўғридан-тўғри ва билвосита таҳдидлар яратади. У ғалабага бўлган иродаси ва шахсияти туфайли ўйинимизни яхшилашига ва биз учун қимматли активга айланишига шубҳа қилмаймиз", - дея Келнинг сўзларини келтиради "Боруссия" расмий сайти.
Эслатиб ўтамиз, Гросс фаолиятининг сўнгги етти йилини “Брайтон”да ўтказган.
