"Бавария" ва "Манчестер Юнайтед" ўртасида ҳимоячи Маттейс де Лигтнинг трансфери бўйича музокаралар жараёни боши берк кўчага кириб қолди.
Томонлар трансфер борасида келиша олишмади, шу боис нидерландиялик ёзги таътилдан сўнг немис грандига қайтади. Де Лигтнинг трансфер нархи 65 миллион еврога баҳоланмоқда ва унинг "Бавария" билан шартномаси 2027 йилнинг ўрталарига қадар амал қилади.
У мюнхенликлар сафида 2022 йилдан буён ўйнаб келмоқда. Германия чемпионатининг ўтган мавсумида Маттейс 22 та ўйин ўтказди. Ҳимоячи иккита гол урди ва бешта сариқ карточка олди.
