«Барселона» марказий ҳимоячиси Рональд Араухо ҳалигача клубнинг янги шартнома бўйича таклифига жавоб бермади.
«Кўк-анорранглилар» раҳбарияти уругвайлик футболчини январь ойида янгиланган шартнома имзолашга таклиф қилган, бироқ ҳеч қандай муносабат билдирилмаган. "Sport" хабарига кўра, бугунги кунгача вазият ўзгармаган - «Барселона» ҳали ҳам 25 ёшли футболчининг фикрини кутмоқда. Марказий ҳимоячини клуб талаб қилаётган молиявий шароит қониқтирмаяпти.
Рональд Араухонинг амалдаги шартномаси 2026 йилнинг ўрталарига қадар амал қилади.
