Спорт журналистларини Осиё Чемпионлар лигаси гуруҳ босқичи 5-тури доирасидаги “Бунёдкор” – “Санфречче Хиросима” учрашувидан олдинги матбуот анжуманига таклиф этамиз.

Матбуот аҳли ва иккала жамоа аъзолари ўртасидаги мулоқот 22 апрель куни “Бунёдкор” стадионининг матбуот анжуманлари залида бўлиб ўтади.

Даставвал, соат 16:15да “Санфречче Хиросима” бош мураббийи Хажиме Мориясу ҳамда жамоа етакчиларидан бири журналистлар саволларига жавоб қайтаради. Соат 16:30да бошланадиган иккинчи қисмда эса “Бунёдкор” устози Миржалол Қосимов ва бир нафар футболчимиз иштирок этади.

ОАВда фаолият юритувчи барча журналистларни ушбу маросимга таклиф этамиз.

Соат 17:00да "Бунёдкор" футболчилари ўйинолди расмий машғулотини олиб боришса, 18:00дан эътиборан стадион майдони "Санфречче Хиросима" футболчиларига хизмат қилади. Ҳар иккала машғулотнинг дастлабки 15 дақиқаси ОАВ вакиллари учун очиқ бўлади.

Қўшимча маълумот олиш учун “Бунёдкор” ФК матбуот хизматига мурожаат этишингиз мумкин. Телефон: +99871 230 40 59