Миланнинг “Интер” клуби ҳужумкор ярим ҳимоячиси Валентин Карбони “Марсел”да ўзини синаб кўради.
Француз клуби 19 ёшли футболчини кейинчалик 35 миллионга сотиб олиш имконияти билан 1 миллион еврога ижарага оляпти. Бу ерда бонуслар ҳисобга олинмаган, дея хабар беради инсайдер Николо Скира.
Агар провансликлар уни сотиб олишга қарор қилсалар, аргентиналик футболчининг шартномаси 2029 йилгача мўлжалланади.
Шартнома, шунингдек, футболчини 40 миллион евро эвазига “Интер”га қайтариш вариантини ҳам ўз ичига олади. Яқин орада Валентин Карбони тиббий кўрикдан ўтади ва "Марсел"га трансферни якунлайди.
