Ҳужумчи Хулиан Альварес ёзги трансфер ойнасида клубини ўзгартиради. "Манчестер Сити" бош мураббийи Пеп Гвардиола топ ўйинларда майдонда кўпроқ вақт ўтказиш истаги ҳақидаги сўзларига жавобан 24 ёшли аргентиналик футболчининг кетишига рухсат берди.
The Athletic хабарига кўра, Альварес Мадриднинг "Атлетико" клубига ўтишга яқин турибди. Клублар якуний нарх ва тўлов шартларини келишиб олишмоқда. Мадридликлар "Манчестер Сити"га камида 70 миллион фунт (тахминан 81,5 миллион евро) тўлайди. Яъни, "шаҳарликлар" Альваресни 2022 йилдаги харид нархидан камида 5 баробар қимматга сотади.
Қайд этилишича, Альваресни "Атлетико Мадрид"га ўтиш қизиқтирмоқда. Унга "ПСЖ" ҳам жиддий қизиқиш билдирганди.
