Иньяки Уильямс укаси Никони «Атлетик»да қолишга кўндиради.
«Барселона» футболчининг трансфер бўйича қарор қабул қилишини кутишда давом этмоқда, аммо клуб тобора пессимистик кайфиятда.
Испания терма жамоаси билан Евро-2024да ғолиб чиққан Нико айни дамда оиласи ва яқинлари билан таътилда. Унинг акаси ва клубдаги шериги Иньяки ёзда «Атлетик»ни тарк этмаслик учун унга жиддий босим ўтказмоқда, деб хабар беради "Mundo Deportivo".
Клубнинг ўзи Никонинг 12 август куни жамоа билан мавсумолди машғулотларига қўшилишини кутмоқда. Баъзи манбалар, шунингдек, қанот ҳужумчиси қайтиб келганидан кейин уни қолишга ишонтириш учун янги шартнома таклиф қилинишини даъво қилмоқда.
«Барселона» ўз навбатида Килиан Мбаппе билан шартнома имзолаган «Реал Мадрид» билан рақобатлашиш учун жамоани кучайтириш учун кўп меҳнат қилишга тайёр. Шу билан бирга, Каталония клуби раҳбарияти футболчининг нархи 58 миллион еврода қоладиган бўлса, келаси йилга қадар шартнома имзолашни кутишга тайёр.
