«Хоффенхайм» ва Германия терма жамоаси ҳужумчиси Максимилиан Байер фаолиятини Дортмунднинг «Боруссия»сида давом эттиришга тайёр.
Якшанба куни 21 ёшли футболчига «асаларилар»нинг қизиқиши маълум бўлди. Инсайдер Флориан Плеттенбергнинг янгиланган маълумотларига кўра, Байер «Боруссия»нинг қизиқишидан хурсанд - у Нури Шахин жамоасида ўйнашни хоҳлайди. Унинг учун сўралаётган нарх 25 миллион евро. Дортмундда Германия терма жамоаси ҳужумчиси йилига тахминан 5-6 миллион евро ишлаб олади. Шартнома шу ҳафта охиригача якунланиши мумкин.