"Лейпциг" ярим ҳимоячиси Дани Ольмо фаолиятини "Барселона"да давом эттиради. Бу ҳақда инсайдер Фабрицио Романо хабар бермоқда.
Манба берган хабарга кўра, томонлар 26 ёшли испаниялик футболчининг трансфери бўйича тўлиқ келишиб олган. Таъкидланишича, Ольмонинг хариди "Барселона"га 55 миллион евро ва 7 миллион бонусга тушади.
Ярим ҳимоячининг ўзи каталонияликлар билан олти йиллик меҳнат шартномасини имзолайди, дея қайд этади Романо.
Ўтган мавсумда Ольмо барча мусобақаларда 25 та ўйин ўтказиб, 8 та гол урди ва 5 та голли узатмани амалга оширди. Айтиш жоизки, Ольмо шу ёзда Испания терма жамоаси билан Европа чемпионига айланди.
