"РБ Лейпциг" ярим ҳимоячиси Дани Ольмо тез орада "Барселона"нинг янги футболчиси сифатида эълон қилинади.
“Кўк-анорранглилар” Испания терма жамоаси футболчиси учун 55 миллион евро тўлайди, “РБ Лейпциг” эса яна 7 миллионни бонуслар кўринишида ишлаб олади. Клублар аллақачон келишувга эришган ва Ольмо сешанба куни агенти ва отаси билан Барселонага қўнди. RadioMarca хабарига кўра, 26 ёшли футболчини тиббий кўрикдан ўтказиш пайшанба кунига белгиланган, жума куни эса кутилмаган ҳеч нарса юз бермаса, "Барселона" трансферни расман эълон қилиши мумкин.
Дани Ольмо “РБ Лейпциг” сафида 148 та ўйин ўтказиб, 29 та гол ва 34 та голли узатмага муаллифлик қилган.
