Италиянинг "Наполи" клуби тез орада Лиссабоннинг "Бенфика" клуби ҳужумчиси билан шартнома имзолаши мумкин.

Журналист Фабрицио Романо хабарига кўра, неаполликлар Давид Нереснинг агенти билан музокара олиб бормоқда. Маълумотларга кўра, бразилиялик футболчи Антонио Конте жамоасига ўтишга тайёр, аммо "Наполи" ҳали "Бенфика" билан товон пули борасида келиша олмаяпти. Шунингдек, неаполликлар раҳбарияти футболчининг ўзи билан шартнома шартлари бўйича ҳалигача келишмаган.

Эслатиб ўтамиз, Нерес аввалроқ Амстердамнинг "Аякс" ва Донецкнинг "Шахтёр" клубларида тўп тепган.