Дортмунднинг "Боруссия" клуби ижтимоий тармоқларда 2024/2025 йилги мавсум учун янги захира либосини тақдим этди.
"Боруссия" Германия Бундеслигасининг 2023/2024 йилги мавсумини турнир жадвалида бешинчи ўринда якунлади. Жамоа 34 учрашувда 63 очко жамғарган. "Байер" Германия чемпионига айланди. Хаби Алонсо шогирдлари 90 очко жамғарди. "Боруссия" УЕФА Чемпионлар Лигаси финалига чиқди. Турнирнинг ҳал қилувчи баҳсида немис клуби Мадриднинг “Реал” клубига 0:2 ҳисобида имкониятни бой берди.
Германия чемпионатининг янги мавсумидаги илк ўйинда “Боруссия” Франкфуртнинг “Айнтрахт” жамоасига қарши майдонга тушади. Жамоалар Дортмунддаги "Дортмунд" стадионида ўйнайди. Учрашув 24 август куни бўлиб ўтади.
