Кингсли Коман «Барселона»га ўтиши мумкин.
"Diario Sport" хабарига кўра, «Бавария» вингерни режаларига киритмаган ва доимий трансфер бўйича таклифлар йўқлигини ҳисобга олиб, уни ҳатто ижарага ҳам қўйиб юборишга тайёр. Франциялик футболчи Нико Уильямс («Атлетик») билан омадсизликка учраган тақдирда муқобил вариантларни ўрганаётган «блауграна»га таклиф қилинган.
«Барселона»да Коман ҳақида керакли маълумотлар бор, аммо уни қўлга киритиш учун ҳали ҳеч қандай ҳаракат қилмаган. Ҳозирча клуб Уильямсга эътибор қаратган ва бу трансферга оптимистлик билан қарамоқда.
