Жароҳат олган Лионель Месси август ойида майдонга тушмаслиги мумкин.
TyC Sports хабарига кўра, "Интер Майами" ҳужумчиси Америка Кубогида ўнг тўпиғини шикастлангани учун тўлиқ машғулот ўтказа олмаяпти.
Қайд этилишича, унга тикланишнинг биринчи босқичида ортопедик бутса ёрдам берган, ҳозирда аргентиналик спорт залида тиббиёт ходимлари назорати остида шуғулланмоқда. МЛС клуби таваккал қилмаслик учун уни шошилтирмоқчи эмас.
Месси Аргентина терма жамоасининг бўлажак ўйинларида иштирок этишга умид қилмоқда. Лионель Скалони шогирдлари 6 сентябрь куни Чили билан 10 сентябрда эса Колумбия билан учрашади.
