"Манчестер Юнайтед" бош мураббийи Эрик тен Хаг марказий ҳимоячи Лени Йоронинг ўйинидан кутганлари ҳақида гапирди.
Эслатиб ўтамиз, 18 ёшли футболчи яқинда жароҳат олган ва шу сабабли у тахминан уч ойни ўтказиб юборади.
"Олов аллақачон ёнмоқда. Юқорида айтганимдек, Лени аллақачон ўз ёшига нисбатан жуда етук ва савияли. У чалғимайди, нима истаётганини ва қайси йўналишда ҳаракат қилмоқчи эканлигини билади. Ишончим комилки, Йоро имкон қадар тезроқ қайтиб, жамоага совринлар ютишда ёрдам беради" - деди тен Хаг матбуот анжуманида.
Йоро шу ёзда "Реал"га ўтмоқчи эди, аммо "Манчестер Юнайтед" франциялик футболчини ўз сафига жалб қила олди.
