"Вест Хэм" "Ницца" билан Жан-Клер Тодибо трансфери борасида музокаралар олиб бормоқда.
"Ювентус" французлар билан 24 ёшли ҳимоячини 30-35 миллион еврога сотиб олиш мажбурияти билан ижарага олиш бўйича музокара ўтказди. Маълум бўлишича, футболчи Турин клубига ўтишга рози бўлган.
Инсайдер Фабрицио Романонинг сўзларига кўра, "Вест Хэм" спорт директори Тим Штайдтен Жан-Клер Тодибо трансфери бўйича музокаралар олиб бориш учун Ниццага борган.
Шунингдек, "Ницца" ва "Вест Хэм" ўртасида Тодибони 40 миллион еврога сотиш ва кейинчалик сотув фоизи бўйича келишувга эришилгани хабар қилинган.
Британияликлар жума куни ҳимоячини тиббий кўрикдан ўтказишни режалаштирмоқда.
