"Наполи" ҳужумчиси Виктор Осимхен келажаги ҳақида ўйлашда давом этмоқда.
Неаполликлар 25 ёшли форвардни сотишга ва унинг ўрнига Ромелу Лукакуни қўлга киритишга тайёр, аммо нигерияликнинг трансфер сўровини ҳозирча қаноатлантирадиган ҳеч ким йўқ. Журналист Бен Жейкобснинг сўзларига кўра, "Ал-Ҳилол" ҳали ҳам Осимхенни сотиб олиш имкониятини кўриб чиқмоқда. Саудия клуби ўтган йили ҳам А Серия юлдузига қизиқиш билдирганди.
Футболчини Саудия Арабистони чемпионатига ўтиш имконияти қизиқтирмоқда, бироқ у аввало Европа гигантларидан таклифларни кутиш ниятида.
Transfermarkt портали томонидан 100 миллион еврога баҳоланган Виктор Осимхенга даъвогарлар орасида Лондоннинг “Арсенал” ва “Челси”, шунингдек, “ПСЖ” клублари ҳам бор эди.
