"Барселона"нинг собиқ бош мураббийи Хави Эрнандес Дани Ольмони жамоага таклиф қилмоқчи эди.

Испаниялик ҳужумкор ярим ҳимоячи узоқ вақтдан бери Блаугрананинг трансфер мақсадлари қаторида бўлиб келган. Журналист Хави Мигелнинг сўзларига кўра, Ольмо бир йил олдин "Барселона"га келиши мумкин эди - ўша пайтдаги жамоа бош мураббийи Хави Эрнандес уни сотиб олишни талаб қилган. Каталония гранди раҳбарияти иқтисодий қийинчиликлар туфайли мураббийнинг илтимосини қондира олмади.

Дани Ольмо яқин орада "Барселона"га ўтиши керак, аммо у энди Хави билан ишламайди - мутахассис май ойида ишдан бўшатилганди. Испания терма жамоасининг 26 ёшли футболчисининг трансфер қиймати бонуслар билан бирга 60 миллион евродан ошиқроққа баҳоланмоқда.