"Челси" вингери Рахим Стерлинг янги бош мураббий Энцо Мареска қўл остида жамоанинг истиқболларини юқори баҳолади.
Италиялик мутахассис ўтган мавсум якунланганидан кейин жамоани тарк этган Маурисио Почеттино ўрнини эгаллади. "Лестер"нинг собиқ устози Лондон клуби билан 5 йиллик шартнома имзолади.
"У келди ва ўз футболини ўйнаш ниятини кўрсатди. Ҳа, баъзи ўйинлардаги натижалар кўзни қувонтирмаяпти, лекин баъзи ғоялар қандай пайдо бўлаётганини аллақачон кўриш мумкин. Бу ҳали бошланиши, аммо ниятларимиз аниқ. Ушбу ёндашув билан дастлабки босқичларда хатоларга йўл қўйилади. Баъзи ўйинларда бу бизга қимматга тушади, лекин биз янги услубни ўзлаштириш жараёнидамиз, тез ўрганамиз. Премьер-лига бошланиш арафасида ва мен ҳақиқатан ҳам олдинда яхши вақтлар бор деб ўйлайман", - деди Стерлинг "Челси" расмий сайти.
