2022-йилги жаҳон чемпиони 32 ёшли эфиопиялик спортчи Тамират Тола марафонда Олимпиада чемпиони бўлди.

Парижда (Франция) у 42 км 195 м масофани 2 соат 6 дақиқа 26 сонияда босиб ўтди ва шу билан янги Олимпия рекордини ўрнатди.

Қайд этиш жоиз, бу масофада икки карра Олимпиада чемпиони (2016,2020) кениялик 39 ёшли Элиуд Кипчоге ҳам иштирок этди, аммо у 35-километрга келганда мусобақани тарк этди. 30 км масофада Элиуд етакчидан саккиз дақиқадан кўпроқ вақтга орқада қолди.

Енгил атлетика. Олимпиада 2024, Париж. Марафон, 42 км 195 м.

1. Тамират Тола (Эфиопия) - 2:06.26.
2. Башир Абди (Бельгия) - 2:06.47.
3. Бенсон Кипруто (Кения) - 2:07.00.

Эркаклар ўртасидаги марафон бўйича аввалги Олимпия рекорди кениялик Самуел Ванжируга (2:06,32) тегишли эди. У уни 2008 йилги ўйинларда ўрнатган.