20 апрель, шанба куни Япония чемпионатининг еттинчи тур учрашувлари бўлиб ўтди.

Ушбу турда Осиё Чемпионлар лигасидаги энг яқин рақибимиз - "Санфречче Хиросима" жамоаси меҳмонда "Жубила Ивата" клуби билан куч синашди. Қизиқарли кечган баҳсда Хажиме Мориясу шогирдлари 2:0 ҳисобида ғалаба қозондилар. 5-дақиқада хиросималиклар тўпурари Хисато Сато ҳисобни очган бўлса, ўйин якунланиши арафасида Наоки Ишихара "Жубила Ивата" дарвозасига иккинчи тўпни киритди.

Ушбу ғалабадан сўнг "Санфречче Хиросима"нинг очколари сони 13тага етди ва улар мусобақа жадвалининг тўртинчи поғонасига кўтарилиб олишди.

Эслатиб ўтамиз, келаётган сешанба куни "Санфречче Хиросима" клуби Осиё Чемпионлар лигаси гуруҳ босқичи 5-тури доирасида "Бунёдкор" жамоаси меҳмони бўлади. Учрашув 23 апрель куни "Бунёдкор" стадионида соат 18:00да бошланади