"Интер Майами" бош мураббийи Херардо Мартино жароҳат олган ҳужумчи Лионель Мессининг аҳволи ҳақида гапирди.
37 ёшли форвард Америка кубогида олган жароҳати туфайли жамоасининг бир нечта ўйинларини ўтказиб юборди.
"Месси ривожланмоқда, аммо унинг қайтиши учун ҳозирча аниқ сана йўқ. Лео жамоадан алоҳида шуғулланади. Ҳозир бизнинг асосий вазифамиз - Месси билан боғлиқ вазиятни имкон қадар тезроқ ҳал қилиш ва усиз таркибда рақобатбардошликни сақлаб қолишдир", - деди Мартино Goal билан суҳбатда.
МЛСнинг жорий мавсумида аргентиналик футболчи 12 та ўйин ўтказиб, 12 та гол урди ва 9 та голли узатмани амалга оширди.
