Туриннинг "Ювентус" клуби "Аталанта"дан ярим ҳимоячи Тён Копмейнерс трансферини тезроқ якунламоқчи.
La Gazzetta dello Sport нашри хабарига кўра, "кекса синьора" яқин 2-3 кун ичида шартномани ёпиш ниятида. Аввалроқ "Ювентус" Копмейнерс учун 50 миллион евро + 5 миллион бонус тўлаши ҳақида хабар берилганди.
Копмейнерс УЕФА Суперкубоги учун "Реал Мадрид"га қарши бугунги ўйинда "Аталанта" таркибида ўйнамайди, чунки футболчи "кекса синьора"га ўтишга тайёргарлик кўрмоқда.
Эслатиб ўтамиз, ўтган мавсумда Копмейнерс Италия чемпионатида 12 та гол ва 5 та голли узатмани амалга оширганди.
