"Манчестер Юнайтед" трансфер ойнаси тугагунига қадар ўз сафига чап қанот ҳимоячисини қўшиб олмоқчи.
"Манкунианликлар" бюджет вариантини изламоқда, шунинг учун улар ижара шартномаларини кўриб чиқишга тайёр. Раҳбарият эркин агентларни таклиф қилишга ҳам очиқ.
Журналист Рич Фейнинг сўзларига кўра, "Манчестер Юнайтед" ҳозирда иккита чап қанот ҳимоячиси ўртасида қарор қабул қилмоқда. Вариантлар орасида ўтган мавсумда "манкунианликлар" сафида ижара асосида ўйнаган Лондоннинг "Тоттенхэм" клуби ҳимоячиси Серхио Регилон ҳам бор. "Манчестер Юнайтед" шунингдек, "Барселона"ни тарк этиб, ҳозирда эркин агент бўлиб турган "Челси"нинг собиқ ҳимоячиси Маркос Алонсо номзодини ҳам кўриб чиқмоқда.
